Blog
Bonifacio Echegaray Corta (1878-1956) euskaldun ikasia
Forulege 2021/12/0265 urte beteko dira aurten Bonifacio Echegaray euskal legelari, historialari, euskaltzale eta idazlea hil zela. Hori dela eta, Euskaltzaindiak, Zuzenbidearen Euskal Akademiak eta Sabino Arana Fundazioak mintegi bat antolatu dute elkarlanean euskaltzain horren bizitzaren hainbat alderdiri buruz jarduteko, XIX. mendearen amaierako eta XX.aren lehen hereneko euskal kulturak, historiak euskal Zuzenbideak lortutakoen eta amestutakoen erakusgarri.
Mintegia abenduaren 16an egingo da, osteguna, goizeko 9:30etatik 13:00etara, Sabino Arana Fundazioaren egoitzan. Horretarako, Seve Calleja kritikari, ikertzaile eta irakasleak Echegaray idazlea aurkeztuko digu; Andres Urrutia euskaltzainburuak eta Zuzenbidearen Euskal Akademiako buruak, aldiz, Echegaray legelariaren berri emango digu; azkenik, Bonifacioren biloba, Lázaro Echegaray soziologoa eta Gizarte Zientzietako doktorea omendutako euskaldun ikasiaren bizipenez arituko da. Jardunaldiaren amaieran, mahai-ingurua egingo da.
Etorriko zarela adierazteko, zalantzak argitzeko edo iradokizunik egiteko, harremanetan jar zaitezke Fundazioarekin, telefonoz (94 405 64 50) edo e-postaz: idazkaritza@sabinoarana.eu helbidean.
Interesgarria delakoan blog honi atxikitzen diogu mintegiaren programa.
![facebook](irudiak/facebook.png)
![twitter](irudiak/twitter.png)